ისრაელის თასის 1/16-ფინალში ლევან კუტალიას „ნეს ციონამ“ სტუმრად „აკო“ 3:2 დაამარცხა და ერთი გოლი ქართველმა ფეხბურთელმა გაიტანა.
კუტალიამ ანგარიში პირველივე წუთზე გახსნა, როცა მეტოქის კარი თერთმეტმეტრიანი ნიშნულიდან დალაშქრა.
ამ გამარჯვებით „ნეს ციონა“ ისრაელის თასის მერვედფინალში გავიდა, ხოლო ქართველი თავდამსხმელის ანგარიშზე მიმდინარე სეზონში 5 გოლია - 3 ისრაელის ჩემპიონატში და ორი თასზე.
