იტალიის სესტრიერეში ქალ სამთო მოთხილამურეთა მსოფლიო თასის გიგანტური სლალომის რბოლა გაიმართა, რომელიც იტალიელი მარტა ბასინოს გამარჯვებით დასრულდა. მან დაძაბულ პაექრობაში აჯობა შვედ სარა ექტორს.

ბასინმ ექტორს ორი ცდის ჯამში, სულ რაღაც 0.11 წამით აჯობა და გიგანტურ სლალომში მეექვსე გამარჯვება მოიპოვა. მესამე ადგილი სლოვაკმა პეტრა ვლჰოვამ დაიკავა, ვინც გამარჯვებულს 0.40 წამით ჩამორჩა.

მხოლოდ მეექვსე ადგილს დასჯერდა აბსოლუტურ ჩათვლაში ლიდერი, ამერიკელი მიკაელა შიფრინი. ის ბასინოს 1.96 წამით ჩამორჩა.

26 წლის ბასინოსთვის ეს მსოფლიო თასის საშინაო შეჯიბრში მოპოვებული პირველი გამარჯვება. ორი ცდის ჯამში მისი შედეგი იყო ორი წუთი და 28.89 წამი.

„ვიცოდი, რომ გამარჯვება რთული მოსაპოვებელი იქნებოდა, რადგან ტრასა რთულია. ეს უფრო ბრძოლა იყო, ვიდრე კარგი ასპარეზობა. მაგრამ მთავარია, რომ მოვიგე და ეს საოცარია“, - განაცხადა ბასინომ.

კვირას მსოფლიო თასის სლალომის რბოლა სესტრიერეშივე ჩატარდება.