ევროლიგის მე-12 ტურში თორნიკე შენგელიას „ვირტუსი“ პირეოსის „ოლიმპიაკოსს“ ესტუმრა და 3-კვირიანი უქმობის შემდეგ ქართველი კალათბურთელი მოედანზე დაბრუნდა.

იტალიურმა გუნდმა საბერძნეთში უშანსოდ, 71:117 წააგო და გამარჯვების შანსი საერთოდ არ ჰქონია, ხოლო შენგელიამ ტრავმა მოირჩინა.

თორნიკემ 19:45 წუთი ითამაშა, ხსენებულ დროში კი 9 ქულა, 2 მოხსნა, 1 პასი და 1 ჩაჭრა მიითვალა. ქართველმა კალათბურთელმა 7-დან 3 ორქულიანი და 6-დან 3 საჯარიმო ჩააგდო, მისი მარგი ქმედების კოეფიციენტი კი 6-ს გაუტოლდა.

„ვირტუსი“ 4 მოგებით და 8 წაგებით მე-16 ადგილზეა, მომდევნო ტურში კი 14 დეკემბერს, ბერლინის „ალბას“ უმასპინძლებს.