ბრაზილიის ნაკრების ფეხბურთელმა კაზემირომ ხორვატიასთან მარცხისა და მსოფლიოს ჩემპიონატიდან გავარდნის შემდეგ კომენტარი გააკეთა. როგორც მან თქვა, ყველაფერი ბრაზილიის ხელში იყო, მაგრამ შანსი ხელიდან გაუშვეს.
„ყველა მარცხი მტკივნეულია, განსაკუთრებით მაშინ, როცა გაქვს მიზანი და ოცნება, როცა ოთხი წელი ამ ოცნებისთვის მუშაობ. სიტყვების პოვნა რთულია. მაგრამ ჩვენ უნდა ავწიოთ თავი, ცხოვრება გრძელდება. მოწყენილი ვართ, გუნდში ყველა მაქსიმუმს ცდილობდა. ჩვენ იმედგაცრუებულები ვართ მატჩის მიმდინარეობით, ყველაფერი ჩვენს ხელში იყო და ხელიდან გავუშვით. ახლა უნდა დავმშვიდდეთ და ცხოვრება გავაგრძელოთ“, - თქვა კაზემირომ.
შეგახსენებთ, რომ ბრაზილიის ნაკრებს მსოფლიოს ჩემპიონატი 2002 წლის შემდეგ არ მოუგია და მას მერე, ოთხჯერ მეოთხედფინალში გავარდა, ერთხელ კი ტურნირი მეოთხე ადგილზე დაასრულა.
