ხორვატიის ნაკრების მთავარმა მწვრთნელმა ზლატკო დალიჩმა ბრაზილიის ნაკრებთან გამარჯვების შემდეგ კომენტარი გააკეთა. როგორც მან თქვა, ძალიან ბედნიერია, რომ ნახევარფინალში ზედიზედ მეორედ გავიდნენ.

„ეს საოცრებაა. პატივი ეცით ბიჭებს, ყველას. შესანიშნავი მატჩი ჩავატარეთ და ტურნირის მთავარი ფავორიტი გავაგდეთ. ყველას გეუბნებით: ეს არის ნამდვილი ხორვატია! როცა საჭიროა, როცა ყველაზე მნიშვნელოვანი მომენტია, ჩვენ ასეთები ვართ. ჩვენი დაუფასებლობა არ შეიძლება, საკუთარი თავით ვამაყობთ. თუმცა, ეს მხოლოდ ჩვენი კი არა, მთელი ხორვატიის და ყველა მოთამაშის გამარჯვებაა. ყველამ მაქსიმუმი გაიღო, მადლობა მათ, ვინც სათადარიგოთა სკამზე იყო.

სიამაყე, სიმამაცე, რწმენა, სამშობლოს სიყვარული - ამის წყალობით ჩვენ ყოველთვის ვაღწევთ წარმატებას. ბიჭებო, გილოცავთ ამ შედეგს, ძალიან ვამაყობ. ეს არ არის დასასრული, ჩვენ ვაგრძელებთ ბრძოლას. დიდი სალამი ყველას, ხორვატებს, ყველას, ვინც მხარს გვიჭერს. ისიამოვნეთ, ეს თქვენთვისაა. ძალიან მიხარია, რომ ნახევარფინალში მეორედ გავედით, ჩვენი ქვეყნის მოსახლეობა კი მხოლოდ 3 მილიონია. ჩემი ფეხბურთელები ნორმალურები არ არიან“, - თქვა დალიჩმა.

შეგახსენებთ, რომ ხორვატიის ნაკრები ისტორიაში მესამედ გავიდა მსოფლიოს ჩემპიონატის ნახევარფინალში და მუნდიალზე მეტჯერ ჯგუფიდან არც გასულა.