პორტუგალიის ნაკრების კაპიტნის, კრიშტიანუ რონალდუს დამ, ელმა ავეირუმ, იმ ადამიანებს მიმართა, რომლებიც მის ძმას ხშირად აკრიტიკებენ.
„შვეიცარიასთან მატჩში რონალდუს არ უთამაშია (კრიშტიანუ მინდორზე 74-ე წუთზე გამოჩნდა - რედ) - კარგია, რომ დაისვენა და სხვებს მისცა საშუალება შეხვედრაში მონაწილეობა მიეღოთ. ახლა მომავალი მატჩისთვის განწყობის დრო მოვიდა.
თვალთმაქცების ერთ პროცენტს მინდა მივმართო: მოკეტეთ და ნუ აფურთხებთ თეფშში, რომლიდანაც ჭამთ. უქომაგეთ ნაკრებს, იმის მიუხედავად, რომელი ფეხბურთელები თამაშობენ. პატივი ეცით რონალდუს.“ - დაწერა ელმამ სოციალურ ქსელში.
შეგახსენებთ, რომ მსოფლიო ჩემპიონატის მეოთხედფინალში პორტუგალიის ნაკრები 10 დეკემბერს მაროკოს ეროვნულ გუნდს შეხვდება.
