ბელგიის ნაკრების შემტევმა სანაკრებო კარიერის დასრულების შესახებ განცხადება სოციალურ ქსელში გაავრცელა.



,,დღეს ეს ფურცელი უნდა გადავშალო. მადლობას გიხდით სიყვარულისთვის. მადლობა თქვენი უპრეცედენტო მხარდაჭერისთვის. მადლობა მთელი ბედნიერებისთვის, რომელიც 2008 წლიდან გაგვიზიარებია. გადავწყვიტე დავასრულო ჩემი სანაკრებო კარიერა", - დაწერა აზარმა.

მემკვიდრეობა მზად არის. მომენატრებით" - დაწერა ბელგიელმა თავის ,,ინსტაგრამის" გვერდზე.

ედენ აზარი ბელგიის ნაკრების ღირსებას 2008 წლიდან იცავდა. ამ დროში მან ,,წითელი ეშმაკების" მაისური 126-ჯერ მოირგო, 33 გოლი გაიტანა და 36 საგოლე გადაცემაც შეასრულა.

კატარის მუნდიალზე აზარმა სამივე შეხვედრაში მიიღო მონაწილეობა, თუმცა თავი შედეგიანი ქმედებით არ გამოუჩენია, მისმა გუნდმა კი ჯგუფიდან გასვლა ვერ მოახერხა.