დღეს ,,ნაპოლი" თურქეთში ამხანაგურ მატჩს გამართავს. იტალიური მედია ამ შეხვედრას განსაკუთრებით ხვიჩა კვარაცხელიას დაბრუნების გამო ელოდება.



,,აი კვარაცხელიაც დაბრუნდა. მუნდიალის შესვენება ქართველ ტალანტს გამოჯანმრთელებაში დაეხმარა და ის თურქეთის შეკრების პირველივე დღიდან სპალეტის განკარგულებაშია. თუმცა მხოლოდ დღეს, ,,ანტალიასპორთან" გასამართი ამხანაგური მატჩის დროს გავიგებთ ლურჯების ზაფხულის საუკეთესო შენაძენი საუკეთესო ფიზიკურ კონდიციაშია თუ არა, მას შემდეგ, რაც ის სრულად გამოჯანმრთელდა. კვარაცხელია ,,ნაპოლის" 1-ელი ნოემბრის შემდეგ აკლია და ამის მიუხედავად, ,,აძურის" შედეგები მაინც ამაღელვებელი იყო" - წერია La Gazzetta dello Sport-ის ახალ გამოცემაში.

„ნაპოლისა“ და „ანტალიასპორის“ მატჩი დღეს თბილისის დროით 21:45 საათზე დაიწყება. იტალიური გუნდი თურქეთში 15 დეკემბრამდე დარჩება და 11 დეკემბერს, „კრისტალ პალასს“ შეხვდება. სერია ა კი 2023 წლის 4 იანვარს განახლდება და „ნაპოლი“ სტუმრად მილანის „ინტერს“ დაუპირისპირდება.