ვეტერანმა ინგლისელმა ფეხბურთელმა რიო ფერდინანდმა ჯუდ ბელინგემზე კომენტარი გააკეთა და თქვა, რომ ის 19 წლის ასაკისთვის შეუსაბამოდ კარგად თამაშობს.
„ბელინგემი 19 წლის არ არის, მინდა მისი დაბადების მოწმობა ვნახო. ის უბრალოდ წარმოუდგენელია“, - დაწერა ფერდინანდმა სოციალურ ქსელში.
შეგახსენებთ, რომ ჯუდ ბელინგემი მიმდინარე მსოფლიოს ჩემპიონატზე ერთ-ერთი გამორჩეულია. ინგლისის ნაკრები მეოთხედფინალში საფრანგეთის ნაკრებს შეხვდება.
