პორტუგალიის ნაკრების ქომაგებს კრიშტიანუ რონალდუს ძირითად შემადგენლობაში ხილვა არ სურთ.
ცნობილმა გამოცემა A Bola-მ გამოკითხვა ჩაატარა, უნდა იყოს თუ არა, რონალდუ შვეიცარიასთან მატჩში ძირითად შემადგენლობაში. გამოკითხულთა აბსოლუტურმა უმრავლესობამ, კერძოდ, 70%-მა უპასუხა, რომ კრიშტიანუ სასტარტოში არ უნდა იყოს.
როგორც ჩანს, ფანები კრიშტიანუს სათამაშო ფორმით უკმაყოფილონი არიან და აღარც მისი დამსახურება აღელვებთ. ამიტომაც, ურჩევნიათ, რომ შანსი სხვა ფეხბურთელმა მიიღოს.
მიმდინარე მუნდიალზე კრიშტიანუ რონალდუმ 1 გოლი გაიტანა და ისიც პენალტით. მთლიანობაში პორტუგალიის ნაკრებში მას 194 შეხვედრაში 118 გოლი აქვს გატანილი.