მას შემდეგ, რაც პელეს მდგომარეობის გაუარესების შესახებ ინფორმაცია გავრცელდა, ბრაზილიელმა ფეხბურთელმა ბევრი გამამხნევებელი მესიჯი მიიღო და სოციალურ ქსელში სამადლობელი პოსტი გამოაქვეყნა:



,,ჩემო მეგობრებო, მინდა ყველამ სიმშვიდე და პოზიტიურობა შეინარჩუნოთ. მე ძლიერი ვარ, რწმენა მაქვს და მკურნალობის კურსს ჩვეულებრივად მივყვები. მინდა მადლობა გადავუხადო მთელს სამედიცინო ჯგუფს იმ ზრუნვისთვის, რაც ჩემს მიმართ გამოავლინეს.

ღმერთის ძალიან მწამს და ყველა სიყვარულის მესიჯი, რომელიც თქვენგან მივიღე, ენერგიით აღმავსებს. ასევე მინდა გითხრათ, რომ უყურეთ ბრაზილიის თამაშებს მსოფლიო თასზე. დიდი მადლობა ყველაფრისთვის" - დაწერა პელემ საკუთარ "ინსტაგრამის" გვერდზე.

შეგახსენებთ, რომ მდგომარეობის გაუარესების გამო ფეხბურთის ლეგენდა სან პაულოში, აინშტაინის სახელობის საავადმყოფოში გადაიყვანეს, დღეს კი გავრცელდა ინფორმაცია, რომ მისი კიბო მკურნალობას აღარ ექვემდებარება, რის გამოც დარჩენილი სიცოცხლეს "პალიატური მზრუნველობის" ქვეშ გაატარებს.