პორტუგალიის ნაკრების ფეხბურთელმა კრიშტიანუ რონალდუმ შესაძლოა მსოფლიოს ჩემპიონატის მესამე ტურში სამხრეთ კორეიასთან ვერ ითამაშოს.
37 წლის თავდამსხმელი ფიზიკურად იდეალურ მდგომარეობაში არ არის და ფერნანდუ სანტუშმა შესაძლებელია გუნდის ლიდერი დასვენოს.
შეგახსენებთ, რომ პორტუგალიის ნაკრებს მერვედფინალის საგზური უკვე მოპოვებული აქვს და სამხრეთ კორეას 2 დეკემბერს დაუპირისპირდება.
