ფიფა მსოფლიო 2026 წლის ჩემპიონატის ჯგუფური ეტაპის მატჩებზე პენალტების სერიის დანერგვას განიხილავს. ამის შესახებ The Athletic იტყობინება.

2026 წლის მუნდიალზე 48 ეროვნული ნაკრები მიიღებს მონაწილეობას, რომლებიც 16 სამგუნდიან ჯგუფში განაწილდებიან. პლეი-ოფში კი პირველ ორ ადგილზე გასული გუნდები გავლენ.

სწორედ იმიტომ, რომ ჯგუფები სამგუნდიანი იქნება, ფიფა ჯგუფურ ეტაპზეც პენალტების სერიის შემოღებაზე ფიქრობს, რათა გუნდების მხრიდან წინასწარ შედეგზე მოლაპარაკებების რისკი შეამციროს. საქმე ისაა, რომ თუ ჯგუფში მატჩი ფრედ დასრულდება, პენალტების სერიის მომგები გუნდი სატურნირო ცხრილში ბონუს ქულას მიიღებს

იმის გათვალისწინებით, რომ თითო ჯგუფში სამი გუნდი იქნება, ბოლო მატჩების ერთდროულად ჩატარება ვერ მოხერხდება (როცა ახლა ბოლო ტურის მატჩები პარალელურად იმართება), რადგან 3 გუნდიდან ერთს ჯგუფში გამოსვლა უკვე დასრულებული ექნება.

ფიფა შიშობს, რომ გუნდები, რომლებიც მატჩს ბოლოს ითამაშებენ, სასურველ შედეგზე შეთანხმება შეეძლებათ, რომელიც ორივე ეროვნულ ნაკრებს დააკმაყოფილებს. ამრიგად, პენალტების სერია შეამცირებს მოლაპარაკების რისკს. ამასთან, ხაზგასმულია, რომ პენალტების სერია შეიძლება მატჩის დაწყებამდე გაიმართოს, რაც კიდევ უფრო შეამცირებს მოლაპარაკების რისკს.

შეგახსენებთ, რომ მსოფლიოს 2026 წლის ჩემპიონატი კანადაში, აშშ-სა და მექსიკაში ჩატარება და პირველად ისტორიაში 48-გუნდიანი იქნება. სამგუნდიანი ჯგუფებიდან პლეი-ოფში ორ-ორი საუკეთესო გუნდი გავა.