მსოფლიოს 2022 წლის ჩემპიონატი ჩინეთშიც გადაიცემა, თუმცა მათი ტელევიზია 30 წამით გვიან მაუწყებლობს და იმ გულშემატკივართა კადრებს არ აჩვენებს, ვისაც ნიღბები არ უკეთიათ.



ჩინეთში კვლავ მკაცრად იცავენ კოვიდ პროტოკოლს, ქვეყნის ზოგიერთ ნაწილში კი ისევ ლოქდაუნია გამოცხადებული. რამდენიმე ქალაქის ქუჩებში საპროტესტო აქციები იმართება მკაცრი კოვიდ პოლიტიკის მიმართ, რის გამოც ჩინურმა მაუწყებელმა, რომელიც მსოფლიო ჩემპიონატის ტრანსლირებას ფლობს, გადაწყვიტა პირდაპირ ეთერში მატჩები 30 წამის დაგვიანებით გაუშვას, გულშემატკივართა კადრები კი მთავარი მწვრთნელის, ან ფეხბურთელთა კადრებით გადაფაროს.

კატარში მსოფლიო ჩემპიონატი 2022 უკვე 8 დღეა მიმდინარეობს, დღეს კი მეორე ტურის ბოლო მატჩები გაიმართება.