საფრანგეთის ტოპ 14-ის მე-11 ტურში დავით ნინიაშვილისა და ბექა საღინაძის „ლიონმა“ „ტულუზი“ დაძაბულ ბრძოლაში 21:14 დაამარცხა, ხოლო ნინიაშვილმა ლელო მიითვალა.

„ლიონი“ ანგარიშით 6:7 მარცხდებოდა და 47-ე წუთზე ქართველმა მორაგბემ ლელოს დადება მოახერხა, რის შედეგადაც საკუთარი გუნდი დააწინაურა. ნინიაშვილს საფრანგეთის ჩემპიონატის მიმდინარე სეზონში 5 ლელო აქვს საკუთარ ანგარიშზე.

„ლიონი“ ტოპ 14-ში 29 ქულით მეოთხე ადგილზეა, მომდევნო ტურში კი „ბაიონს“ დაუპირისპირდება.