ფუტსალის ქართული კლუბი “იბერია სტარი” დაიშალა. ამ თემაზე კლუბის პრეზიდენტმა ვახტანგ წერეთელმა TVS-თან ისაუბრა. გასულ დღეებში “იბერია სტარმა” ჩემპიონთა ლიგაზე წარუმატებლად ითამაშა, თუმცა პრეზიდენტის განცხადებით კონკრეტულად გასული სამი მატჩიდან გამომდინარე არ მიუღია გადაწყვეტილება.

“კლუბი არ დაშლილა დღეს, არც გუშინ. რეალურად “იბერია სტარი” წელიწადნახევრის წინ დაიშალა. მქონდა პასუხისმგებლობა ლეგიონერთა მიმართ და დრო დასჭირდა მოგვეძებნა მათთვის კლუბები. ამ ეტაპზე ჩვენ საგანგებო რეჟიმში ვმუშაობთ. კლუბში მყოფი კონტინგენტი ქართული ფუტსალისთვის მნიშვნელოვან ძალას წარმოადგენს. მთავარი მიმართულება მათთვის კლუბების მოძიებაა, რადგან მათ მიმართ დაკისრებული მოვალეობა პირნათლად შევასრულოთ”, - განაცხადა ვახტანგ წერეთელმა.