ფეხბურთი

14:24 | 24.11.2022 | ნანახია [] - ჯერ

ალვეში: „მბაპე ფენომენია, მაგრამ დღემდე ვერ მიხვდა, ვინ თამაშობს მის გვერდით“

ბრაზილიის ნაკრების მცველმა, დანი ალვეშმა, განაცხადა, რომ „პარი სენ-ჟერმენში“ მესი და ნეიმარი უფრო ფენომენალური ფეხბურთელები არიან ვიდრე მბაპე.

„დიდ ფეხბურთელს ყოველთვის უნდა ესმოდეს და გრძნობდეს, ვინ არის გვერდით. პარტნიორებს შეუძლიათ შენი თამაშის გაუმჯობესება. მბაპე ფენომენია, მაგრამ დღემდე ვერ მიხვდა ვინ თამაშობს მის გვერდით, უფრო ფენომენალურები, ვიდრე თავად ფრანგია.

ნეიმარი და მესი უნიკალურები არიან. ისინი ხედავენ და აკეთებენ იმას, რაც არავის შეუძლია და თუ ჭკვიანი მოთამაშე ხართ, მათი გენიალურობა უნდა გამოიყენოთ.

მიმაჩნია, რომ ბურთს კარგად ვფლობ, მაგრამ როცა ლეოსთან ერთად ვთამაშობდი, ბურთს მას ვაწვდიდი. იგივე ხდებოდა როცა ნეიმარი იყო ჩემი პარტნიორი. თუ მბაპე ამ ორს პასებს მისცემს, 150 გოლს გაიტანს.“ - ციტირებს ალვეშის სიტყვებს La Gazzetta dello Sport.

შეგახსენებთ, რომ ამაჟამად 39 წლის ალვეშს თავის დროზე მესისთან ერთად „ბარსელონაში“ უთამაშია, ნეიმარისა და მბაპეს მხარდამხარ კი „პარი-სენ-ჟერმენში.“

0.099134