ფეხბურთი

10:12 | 24.11.2022 | ნანახია [] - ჯერ

ედენ აზარი: „მადლობა კურტუას და ბატშუაის“

მადრიდის „რეალის“ და ბელგიის ნაკრების გარემარბმა, ედენ აზარმა, მსოფლიო ჩემპიონატის ჯგუფური ეტაპის კანადასთან პირველი მატჩის შემდეგ (1:0), ჟურნალისტებს თავისი აზრი გაუზიარა.

„რას ვგრძნობ ახლა? განტვირთვას. უჰ, ძალიან რთული მატჩი გამოდგა. მადლობა კურტუას და ბატშუაის გოლისათვის. კანადელებს შესანიშნავი, ძლიერი ნაკრები ჰყავთ და დიდი პრობლემები შეგვიქმნეს. მათთან ყველას გაუჭირდება თამაში.

პირველი ტაიმის ბოლოს მოვახერხეთ გატანა, მაგრამ უკეთ თამაში გვმართებდა. ბურთის მეტი კონტროლია საჭირო. გავაგრძელებთ მუშაობას.

ჩემი თამაში? ვფიქრობ, ცუდი 60 წუთი არ ჩამიტარებია. ვგრძნობ, რომ ფორმაში შევდივარ, რაც ამდენი ტრავმების შემდეგ მომავლის იმედს მაძლევს.“ - ციტირებს აზარის სიტვებს RTL.

0.11154