თამაშგარე

16:39 | 21.11.2022 | ნანახია [] - ჯერ

აიდა და მხარშებურული ქალები

ფეხბურთის ქომაგებს ისე არ განუცდიათ პერუს საფეხბურთო ნაკრების ყატარის მუნდიალზე ვერმოხვედრა, როგორც ოდენ ნიფხავმოსილ ქალთა მოყვარულებმა განიცადეს. პატარა საქმე ხომ არაა, ცნობილ პერუელ მოდელს, აიდა მარტინესს პირობა ჰქონდა დადებული, პერუს ნაკრები მუნდიალზე თუ გავა, მე ქალი არ ვიყო, ფოტოკამერის წინ მთლად დედიშობილამ თუ არ ვიპოზიოროო.

პერუს ბეყეირათი მთავრობისგან განსხვავებით, პერუელი მოდელი სიტყვის ქალი ჩანს და აიდა ისეთი ვინმეა, ნამდვილად არ დაიზარებდა მკერდ-ბაყვის ფოტოსტუდიის განათების შუქზე აციალებას, მაგრამ როგორც ჩანს არამხოლოდ მწვანე მინდორზე, ცხოვრებაშიც ყველაფერს იღბალი უნდა.

დაიწყო ნანატრი მუნდიალი და ოდეს ყველამ დავინახეთ, ყატარის სტადიონის ტრიბუნებზე მხარშებურულ არაბ ქალთა კოჰორტა, ვინ იცის რამდენ სამხრეთამერიკელ მამრს აღმოხდებოდა დარდიანი გმინვა - აფსუს, სად არიან ჩვენი აიდა და მისებრნი, როგორ გაახალისებდნენ რაგინდარა დუნე თამაშსო. ჰოდა ფიფა, ბიძიკო, ამიტომ უნდა იცოდე სად უნდა ჩაატარო ჩემპიონატი!

0.125992