პორტუგალიის ნაკრებისა და ,,მანჩესტერ სიტის" ფეხბურთელმა, ბერნარდუ სილვამ პრესკონფერენციაზე საკუთარი ნაკრების შანსებზე და კრიშტიანუ რონალდუს გარშემო შექმნილ სიტუაციაზე ისაუბრა.



,,ჩვენ ვართ გუნდი, რომელსაც კრიშტიანუ ჰყავს. ის ერთი ნაწილია რა თქმა უნდა, თუმცა როცა ის აქ არ არის, ვიცით როგორ უნდა ვითამაშოთ. როდესაც რონალდუ არ გვყავდა, მაშინაც კარგად გამოვიყურებოდით. ჩვენ 26-ნი ვართ"

,,პორტუგალიის ნაკრებში კრიშტიანუსთან დაკავშირებით უცნაური არაფერი შემინიშნავს. პირადად მე ვფიქრობ, რომ ის ყველაფერი რაც მოხდა, კლუბის საქმეა და ნაკრებთან არანაირი კავშირი არ აქვს"

,,ჩვენ აქ მოსაგებად ჩამოვედით. ძალიან თავდაჯერებულები ვართ ამ მსოფლიო თასზე და გვჯერა, რომ დიდი ამბების დატრიალება შეგვიძლია. ვიცით, რომ ყველაფერი რთული იქნება, თუმცა ყველაფრისთვის მზად ვართ"

კრიშტიანუ რონალდუს სკანდალური ინტერვიუს შემდეგ გავრცელდა ვიდეოები, სადაც რონალდუს ნაკრების გასახდელში ბრუნო ფერნანდეში ცივად შეხვდა, ვარჯიშზე კი მისით ჟოაუ კანსელუც უკმაყოფილო იყო.