NBA-ს მორიგ სათამაშო დღეს სანდრო მამუკელაშვილის „მილუოკი ბაქსიმ“ „კლივლენდ კავალიერსს“ უმასპინძლა და 113:98 დაამარცხა, ხოლო ქართველმა კალათბურთელმა 8 წუთი ითამაშა, რაც მიმდინარე სეზონში მისთვის ყველაზე დიდი სათამაშო დროა.

მამუკელაშვილმა ერთი ორქულიანი და 6-დან 3 საჯარიმო ჩააგდო, რის შედეგადაც 5 ქულა მიითვალა.

„მილუოკის“ 11 მოგება და 3 მარცხი აქვს, აღმოსავლეთ კონფერენციაში მეორე ადგილზეა და მომდევნო შეხვედრას 19 ნოემბერს, „ფილადელფიასთან“ ჩაატარებს.

დღეს დილით ითამაშა გოგა ბითაძის „ინდიანამაც“, რომელმაც „შარლოტთან“ 113:125 წააგო, მაგრამ ქართველი კალათბურთელი ისევ სათამაშო დროის გარეშე დარჩა და სათადარიგო სკამზე იყო.