ქართველი ჩოგბურთელი ნიკოლოზ ბასილაშვილი საფრანგეთის ქალაქ რუანის ჩელენჯერს მეოთხედფინალში გამოეთიშა.

ზედიზედ ორი გამარჯვების შემდეგ ბასილაშვილი უგო გასტონს შეხვდა და ფრანგ მეტოქესთან სამ სეტში, 7:6, 2:6, 1:6 წააგო. პირველი სეტი ნიკოლოზმა ტაიბრეიკზე 7:2 მოიგო და დაწინაურდა, მაგრამ მომდევნო ორ სეტში მეტოქემ ყველა კომპონენტში აჯობა, მხოლოდ სამი გეიმი დაუთმო და ქართველმა მარცხი განიცადა.

ბასილაშვილმა 3 ეისი მიითვალა და 7 ორმაგი შეცდომა დაუშვა, მაშინ, როცა გასტონი 5 ეისით გამოირჩა და ერთადერთი ორმაგი შეცდომა ჰქონდა.

ამრიგად, ნიკოლოზ ბასილაშვილმა, რომელიც ATP-ის რეიტინგში 96-ე ნომერია, რუანის ჩელენჯერს გამოეთიშა.