იტალიის სერია A-ს მე-14 ტურში ლუკა ლოჩოშვილის „კრემონეზემ“ „მილანს“ უმასპინძლა და აშკარა ფავორიტთან ქულის მოპოვება მოახერხა.
„როსონერი“ დიდ სათამაშო უპირატესობას ფლობდა, მაგრამ მასიმილიანო ალვინის გუნდმა გოლი არ გაუშვა და ქულა მოიპოვა - 0:0. კრემონელთა მეკარე, მარკო კარნეზეკიმ დიდებული თამაში ჩაატარა და საკუთარი გუნდის ქულის მოპოვებაში უდიდესი წვლილი შეიტანა.
ლუკა ლოჩოშვილი სათადარიგო სკამზე იყო. ქართველ მცველს მცირე ტრავმა ჰქონდა და სავარაუდოდ, ამიტომ არ ათამაშეს. „კრემონეზე“ ისევ მოგების გარეშეა, მაგრამ 14 ტურში 7 ქულა აქვს (7 ფრე, 7 წაგება) და მე-18 ადგილზეა, მომდევნო ტურში კი 11 ნოემბერს, „ემპოლის“ ესტუმრება.
„მილანის“ აქტივში 30 ქულაა და ლიდერ „ნაპოლისთან“ ჩამორჩენა 8 ქულამდე გაიზარდა. ასე რომ, ლოჩოშვილის „კრემონეზემ“ ხვიჩა კვარაცხელიას „ნაპოლის“ საქმეც გააკეთა.
