ფეხბურთი

2:16 | 7.11.2022 | ნანახია [] - ჯერ

წითელ-ყვითელი პრიმერა

კვირის სათამაშო დღის ბოლო მატჩი, სევილიური დერბი „ბეტისსა“ და „სევილიას“ შორის, მართალც საინტერესო საცქერი გამოდგა. მსაჯმა, ხოსე მარია სანჩეს მარტინესმა, სამი ფეხბურთელი გააძევა და 9 გააფრთხილა. თამაში მომენტების სიუხვით არ გამოირჩეოდა, განსაკუთრებით პირველ ტაიმში, მაგრამ დაძაბულობა აპოთეოზს აღწევდა.

ჯერ სტუმრები დარჩნენ კაცნაკლული, წითელი ბარათი 38-ე წუთზე გონსალო მონტიელმა მიიღო. მერე მასპინძელთა ჯერი დადგა, მინდორი ნაბილ ფეკირმა (45+3) და ბორხა იგლესიამა დატოვეს.

„ბეტისი“ ხესუს ნავასის ავტოგოლით იგებდა, მაგრამ 81-ზე სტუმართა სერბმა, ნემანია გუდელმა, ულამაზესი გოლი გაიტანა დაახლოებით 27 მეტრიდან. გუდელს მალევე თავისიანების დაწინაურებაც შეეძლო, მაგრამ მისი დარტყმული ხარიხას მოხვდა. საბოლოოდ - 1:1.

„ატლეტიკომ“ „ესპანიოლს“ უმასპინძლა და მიუხედავად იმისა, რომ გუნდები სხვადასხვა პოლუსზე დგანან, ძალიან რთულ ბრძოლაში მოახერხა ქულის გადარჩენა. არადა, სტუმრები 28-ე წუთიდან კაცნაკლულნი დარჩნენ, როცა მსაჯმა ხუან პულიდო სანტანამ კატალონიელთა ურუგვაელი მცველი, ლეანდრო კაბრერა გააძევა. მიუხედავად ამისა, „ესპანიოლი“ სერხი დარდერის გოლით იგებდა და ჟოაუ ფელიქსმა 79-ე წუთზე გაათანაბრა.

„ვალენსიამ“ ასევე კაცნაკლულ „სოსიედადს“ ვერ აჯობა (1:1). მართალია „ღამურები“ სტუმრად თამაშობდნენ, მაგრამ მასპინძელი ბასკები მე-17 წუთიდან უმცირესობაში დარჩნენ - არიც ელუსტონდო გააძევეს.

„ვილიარეალი“ – „მალიორკას“ შეხვედრაში (0:2) არავინ გაუძეევბიათ, მაგრამ მსაჯმა, ალეხანდრო მუნის რუსმა, 10 ფეხბურთელი გააფრთხილა.

ჯამში, მე-13 ტურში, რომელიც ორშაბათს „რაიო ვალეკანოსა“ და მადრიდის „რეალის“ მატჩით დასრულდება, მსაჯებმა ფეხბურთელებს 8 წითელი და 47 ყვითელი ბართი უჩვენეს...

ესპანეთი

პრიმერა დივიზიონი

მე-13 ტური. 6 ნოემბერი

ბეტისი - სევილია 1:1

სევილია. „ბენიტო ვილიამარინი“

1:0 ნავასი (43 საკ. კაში), 1:1 გუდელი (81)

ბეტისი: ბრავო, საბალი, პესელია, გონსალესი, მორენო, როდრიგესი, კარვალიუ (გუარდადო 58), კანალესი (ვილიანი 90+1), რუიბალი (ენრიკე 57), ფეკირი, იგლესიასი

მწვრთნელი: მანუელ პელეგრინი

სევილია: ბონო, მონტიელი, გუდელი, რეკიკი, აკუნია (ტელესი 46), რაკიტიჩი, ხორდანი (დოლბერგი 78), ტორესი (ენ ნესირი 50), ლამელა, გომესი, მირი (ნავასი 43)

მწვრთნელი: ხორხე სამპაოლი

მსაჯი: ხოსე მარია მარტინესი

გაფრთხილება: კარვალიუ (45+3), ენრიკე (83), მორენო (88), ბრავო (90); აკუნია (38), ლამელა (66), გომესი (70), გუდელი (75), ტელესი (83)

გაძევება: ფეკირი (45+3), იგლესიასი (49) - ბეტისი; მონტიელი (38) - სევილია

ატლეტიკო - ესპანიოლი 1:1

მადრიდი. „ცივიტას მეტროპოლიტანო“

0:1 დარდერი (62), 1:1 ფელიქსი (79)

ატლეტიკო: ობლაკი, მანდავა, ხიმენესი, მოლინა, კარასკო (ფელიქსი 66), კონდოგბია (ვიტსელი 46), დე პაული (კორეა 46), ლორენტე, გრიზმანი (ლემარი 73), მორატა (კუნია 73)

მწვრთნელი: დიეგო სიმეონე

ესპანიოლი: ლეკომტი, ოლივანი (სიმო 56), კაბრერა, კალერო, ხილი (ელ ჰილალი 88), ბარე (გომესი 35), დარდერი, სოუზა, ბრეითვეიტი (პუადო 56), ალეიშ ვიდალი (ლოსანო 88), ხოსელუ

მწვრთნელი: დიეგო მარტინესი

მსაჯი: ხუან პულიდო სანტანა

გაფრთხილება: კონდოგბია (59), ხიმენესი (83), ფელიქსი (87); ოლივანი (35), ბრეითვეტი (53), ლეკპმტი (74), ვიდალი (86), ელ ჰილალი (90+6)

გაძევება: კაბრერა (28) - ესპანიოლი

სოსიედადი - ვალენსია 1:1

1:0 გილიამონი (10 საკ. ,კარში), 1:1 ლინო (25)

გაძევება: ელუსტონდო (17) - სოსიედადი

ვილიარეალი - მალიორკა 0:2

0:1 მურიკი (32), 0:2 ამატი (76)

სარეკლამო ადგილი - 23
250 x 500
0.124091