კონფერენს ლიგის ჯგუფურ ეტაპზე ბრატისლავის „სლოვანის“ ნახევარმცველი გიორგი ჩაკვეტაძე საუკეთესო მეპასეებშია.
ქართველმა ფეხბურთელმა ექვს თამაშში 4 საგოლე პასი გააკეთა, რაც ტურნირზე მეორე შედეგია. გიორგის მხოლოდ ფლორენციის „ფიორენტინას“ თავდამსხმელმა კრისტიან კუამემ აჯობა, რომლის აქტივში 5 შედეგიანი გადაცემაა.
„ჩაკვე“ მეორე-მესამე ადგილებს „დიურგარდენის“ ფეხბურთელ მაგნუს ერიქსონთან ერთად იყოფს, რომელსაც ასევე 4 ასისტი აქვს.
შეგახსენებთ, რომ „სლოვანი“ ჯგუფიდან პირველი ადგილით გავიდა და პირდაპირ მერვედფინალში თამაშის უფლება მოიპოვა.
