ხვიჩა კვარაცხელია ნეაპოლში საცხოვრებელი ადგილის შეცვლას გეგმავს. Sky Sport-ის ცნობით, სახლის გამოცვლას ქართველი ფეხბურთელი სერიოზულად განიხილავს.

ის ამჟამად ნეაპოლის გარეუბანში, კუმაში ცხოვრობს, რათა კასტელ ვოლტურნოსთან, „ნაპოლის“ ბაზასთან ახლოს ყოფილიყო, მაგრამ მომხდარი ინციდენტის შემდეგ შესაძლოა, ქალაქის ცენტრში გადავიდეს.

ხვიჩა ნეაპოლში მარტო არ არის და ოჯახთან ერთად ცხოვრობს, მაგრამ მიუხედავად ამისა, წყაროს თანახმად, ძარცვის შემდეგ ქართველი ფეხბურთელი ადგილის შეცვლას განიხილავს და შესაძლოა სახლი შეიცვალოს.

შეგახსენებთ, რომ ხვიჩა კვარაცხელიას მანქანა მოპარეს, რომელიც პოლიციამ უკვე იპოვა, თუმცა დამნაშავეები ჯერ არ დაუკავებიათ.