ხვიჩა კვარაცხელიას შესახებ მთელი იტალია საუბრობს და კომენტარი „მილანის“ ცნობილმა გულშემატკივარმა და კომენტატორმა, ტიციანო კრუდელიმ გააკეთა.
როგორც მან თქვა, არ უკვირს, როდესაც საფეხბურთო ექსპერტები კვარაცხელიასა და რაფაელ ლეაუს შორის ქართველ ფეხბურთელს ირჩევენ.
„ხვიჩა კვარაცხელია განსაკუთრებულ სეზონს ატარებს. ვსაუბრობთ ფეხბურთელზე, რომელმაც დიდი გავლენა მოახდინა „ნაპოლის“ შესანიშნავ შედეგებზე. ქართველმა თავდამსხმელმა 8 გოლი გაიტანა და საგოლე პასები გააკეთა ჩემპიონთა ლიგასა და სერია A-ში. რიცხვები ამ მომენტში ყველაფერზე მეტყველებენ“, - თქვა კრუდელიმ.
