„ლივერპულის“ მთავარმა მწვრთნელმა იურგენ კლოპმა „ლიდს იუნაიტედთან“ მარცხის (1:2) შემდეგ ისაუბრა და თქვა, რომ მისი გუნდი უცნაურად თამაშობს, რაც უნდა გამოსწორდეს.

„არც ისეთი სულელი ვარ, რომ არ ვიცოდე რამდენი ქულით ჩამორჩება „ლივერპული“ კონკურენტებს. ახლა ღიად ვლაპარაკობ - მომდევნო სეზონში ჩემპიონთა ლიგაზე ვერ მოვხვდებით, თუ ისე უცნაურად ვითამაშებთ, როგორც ახლა. ეს უნდა გამოსწორდეს. ფეხბურთის თამაში და მოგება უნდა დავიწყოთ, საკუთარი თავდაჯერებისთვის უნდა ვიბრძოლოთ.

დღეს ქულა რომ მოგვეპოვებინა, არავინ იქნებოდა ბედნიერი ჩემ გარდა. თუმცა, ახლა ყველაზე მეტად ის მაწუხებს, როგორ დავიცავით თავი მეორე გოლის დროს. საჯარიმოში ერთის წინააღმდეგ სამი მოთამაშე გვყავდა, მაგრამ არცერთს არაფერი გაუკეთებია, ასე არ უნდა იყოს“, - თქვა კლოპმა.

შეგახსენებთ, „ლივერპული“ პრემიერლიგაში 12 ტურის შემდეგ 16 ქულით მეცხრე ადგილზეა, მომდევნო შეხვედრას კი ჩემპიონთა ლიგაზე ხვიჩა კვარაცხელიას „ნაპოლისთან“ ჩაატარებს.