„ნაპოლის“ მეკარე ალექს მერეტმა „სასუოლოსთან“ მატჩის (4:0) შემდეგ ხვიჩა კვარაცხელიაზეც ისაუბრა. როგორც მან თქვა, კვარა ყოველდღე ვარჯიშებზე აჩვენებს რა შეუძლია და ის „ნაპოლისთვის“ ძალიან მნიშვნელოვანი ფეხბურთელია.

„კვარა დიდებული ფეხბურთელია და ამას ყოველდღე ვარჯიშებზეც ამტკიცებს. ყველაფერს აკეთებს გუნდისთვის, მნიშვნელოვანი თვისებები აქვს და ჩვენთვის ძალიან მნიშვნელოვანი ფეხბურთელია.

შეგახსენებთ, ხვიჩა კვარაცხელიას მიმდინარე სეზონში ყველა ტურნირზე ჩატარებულ 16 მატჩში 8 გოლი, 8 საგოლე პასი და 3 მოპოვებული პენალტი აქვს მითვლილი (სერია A-ში 12 მატჩი, 6 გოლი, 5 საგოლე პასი, 2 მოპოვებული პენალტი, ჩემპიონთა ლიგაზე 4 მატჩი, 2 გოლი, 3 საგოლე პასი და 1 მოპოვებული პენალტი.

„ნაპოლიმ“ ზედიზედ მე-13 თამაში მოიგო, სეზონში ისევ დაუმარცხებელია (17 თამაში, 15 მოგება, 2 ფრე ყველა ტურნირზე) და სერია A-ს 32 ქულით ლიდერობს, მომდევნო ტურში კი 5 ნოემბერს, სტუმრად ბერგამოს „ატალანტას“ შეხვდება, მაგრამ მანამდე 1 ნოემბერს, ჩემპიონთა ლიგის ჯგუფური ეტაპის ბოლო ტურში „ენფილდ როუდზე“ „ლივერპულს“ ესტუმრება.