საფრანგეთის ნაკრების ლეგენდამ, ტიერი ანრიმ, ჟურნალისტებს უთხრა, რომ ზინედინ ზიდანი კლუბში მუშაობას არ დათანხმდება. ის ნაკრების მწვრთნელობას ელის.

„ზიზუმ ჩემპიონთა ლიგა მოიგო და დაამტკიცა, რომ დიდ კლუბშიც შეუძლია წარმატებული იყოს. ამბობენ, შეიძლება „იუვენტუსი ჩაიბაროსო, მაგრამ არ მგონია ასე მოხდეს. ის საფრანგეთის ნაკრების მწვრთნელობას ელოდება.

მან „რეალთან“ ერთად სამჯერ მოიგო ჩემპიონთა ლიგა. რატომ იწვალოს სხვა კლუბებში თუ ეროვნული ნაკრებიდან მიწვევას ელის? პირადად, მის ადგილზე კლუბში აღარ ვიმუშავებდი.“ - განაცხადა ანრიმ CBS Sports-ის პირდაპირ ეთერში.