პოპულარულმა ბრიტანულმა ტაბლოიდმა, Daily Mail-მა, ახლანდელ „ნაპოლის“ ვრცელი წერილი მიუძღვნა, სადაც ხვიჩა კვარაცხელიაზეც არის საუბარი.

ავტორი ალვის განაცო წერს:

„კვარაცხელიას ტრანსფერი ალბათ სუკეთესოა, მას შემდეგ, რაც კრიშტიანუ რონალდუ „იუვენტუსში“ გადავიდა. ქართველის უნარმა შეინარჩუნოს სიმშვიდე და გაუძლოს წნეხს, ის სერია A-ს ერთ-ერთ გავლენიან მოთამაშედ აქცია.

კვარაცხელია ცივი რუსეთიდან მცხუნვარე ნეაპოლში ჩავიდა, რათა ტოპფეხბურთელი გახდეს და ევროპის საუკეთესო კლუბების წინააღმდეგ ითამაშოს.

მისი პირველი მიზანი - სერია A-ში ადაპტაცია, უკვე მიღწეულია. ახლა კი ის შეიძლება უფრო პოპულარული გახდეს ორ მილიონზე მეტი მოსახლეობის ქალაქში და დაეხმაროს მას სკუდეტოს მოპოვებაში.

ალბათ დროის ამბავია, სანამ ნეაპოლელი მშობლები შვილებს მის სახელს დაარქმევენ და მსგავს ვარცხნილობას გაიკეთებენ.

მისი წვერის ფორმა, რომელიც ძალიან ჰგავს სერიალ „გომორას“ პერსონაჟების სტილს, უკვე ძალიან მოთხოვნადია ქალაქში, როცა ახალგაზრდები ადგილობივ სადალაქოებში მიდიან.

კვარაცხელია იტალიური ტოპკლუბების ზაფხულის საუკეთესო შენაძენია და ახლოსაა, რომ ნეაპოლში სუპერევარსკვალავად იქცეს.“