დღეს, 25 ოქტომბერს, კრიშტიანუ რონალდუ „მანჩესტერ იუნაიტედის“ მთავარ მწვრთნელ ერიკ ტენ ჰაგს შეხვდება - გვამცნობს Manchester Evening News.

წყაროს ინფორმაციით, საუბრის შემდეგ პორტუგალიელი, შესაძლოა, მთავარ გუნდს შეუერთდეს საწვრთნელ ბაზაზე. გუნდი „შერიფთან“ ევროპა ლიგის ჯგუფური ეტაპის მატჩისთვის იწყებს მზადებას. მეტიც, შეიძლება შეხვედრის განაცხადშიც მოხვდეს, თუ მწვრთნელს დაარწმუნებს, რომ მზადაა მისი მოთხოვნები შესარულოს.

ტენ ჰაგი მიიჩნევს, რომ ჯერ კიდევ შეიძლება კრიშტიანუსთან საერთო ენა გამოძებნოს და ის ისევ გახდეს გუნდის მნიშვნელოვანი მოთამაშე.

შეგახსენებთ, რომ პორტუგალიელი 17 ოქტომბრის შემდეგ, ინდივიდუალურად ვარჯიშობს. რადგანაც პრემიერლიგის მე-12 ტურის მატჩის ბოლოს „ტოტენჰემის“ წინააღმდეგ (2:0), სტადიონი მსაჯის საფინალო სასტვენამდე დატოვა.