ბირმინგემის „ასტონ ვილას“ მთავარ მწვრთნელად უნარი ემერი დაინიშნა. ინფორმაცია ინგლისურმა კლუბმა ოფიციალურად დაადასტურა.

ემერი „ვილიარეალში“ მუშაობდა, მაგრამ ინგლისელებმა ესპანურ კლუბს საკომპენსაციო თანხა გადაუხადეს და ემერის კონტრაქტი ოფიციალურად გაუფორმეს.

ესპანელი სპეციალისტი ინგლისში დაბრუნდა, სადაც 2018-2019 წლებში ლონდონის „არსენალს“ ავარჯიშებდა. ის „ვილიარეალს“ 2020 წლიდან წვრთნიდა, ხოლო მანამდე „ალმერიაში“, „ვალენსიაში“, მოსკოვის „სპარტაკში“, „სევილიასა“ და პსჟ-შიც უმუშავია.

შეგახსენებთ, რომ უნაი ემერიმ „ასტონ ვილაში“ სტივენ ჯერარდი შეცვალა, რომელიც წარუმატებელი შედეგების გამო დაითხოვეს.