„მანჩესტერ იუნაიტედის“ მთავარმა მწვრთნელმა ერიკ ტენ ჰაგმა განაცხადა, რომ კრიშტიანუ რონალდუ სეზონის ბოლომდე გუნდში დარჩება.

მან შეკითხვას, დარჩება თუ არა რონალდუ სეზონის ბოლომდე „მანჩესტერში“ და აქვს თუ არა ამის სურვილი თავად ტენ ჰაგს, ლაკონურად უპასუხა: „დიახ“. მერე კი, დაამატა, რომ იანვარში ახალი თავდამსხმელის შეძენა არ იგეგმება:

„მე კრიშტიანუს იმედი მაქვს, ასე რომ, ახლა დღის წესრიგში არ დგას ახალი თავდამსხმელის შეძენის საკითხი“, - აღნიშნა ნიდერლანდელმა.

აქვე გეტყვით, რომ კრიშტიანუ რონალდუ დროებით დასაჯეს და „ჩელსისთან“ ვერ ითამაშებს, მაგრამ ამ მატჩის შემდეგ მთავარ გუნდში დაბრუნდება და ტირასპოლის „შერიფთან“ შეხვედრისთვის მოემზადება.