იტალიელმა კომენტატორმა რიკარდო ტრევიზანიმ ხვიჩა კვარაცხელიაზე ისაუბრა და მის მიმართ აღფრთოვანება ვერ დამალა. როგორც მან აღნიშნა, კვარაცხელია ადამიანი არ არის და მსგავსი რამ ფეხბურთის ისტორიას არ ახსოვს.

„შედეგზე რომ არაფერი ვთქვათ, „ნაპოლის“ სათამაშო ხარისხი გამაგიჟებელია, რადგან 12 ფეხბურთელით თამაშობს. არსებობს ვიღაც, ვინც სხვა სპორტიდანაა: კვარაცხელია. ის ადამიანი არ არის. ქართველი ყოველ თამაშში გოლს იტანს ან საგოლე პასს აკეთებს. არ აქვს სწორი თმა, არ არის ქერა, არ არის გიჟი, არ აქვს ტატუ, არაფერს აპროტესტებს, არ იღებს ყვითელ ბარათსაც, არ კამათობს მიუხედავად იმისა, რომ ყოველ მატჩში სცემენ. ფეხბურთის ისტორიაში მსგავსი რამ არ გვინახავს. ფეხბურთელი, რომელიც საქართველოდან 10 მილიონ ევროდ ჩამოვიდა, „ნაპოლის“, სერია A-სა და ჩემპიონთა ლიგას იპყრობს“, - თქვა ტრევიზანიმ.

შეგახსენებთ, რომ ხვიჩა კვარაცხელიას მიმდინარე სეზონში 14 მატჩში 7 გოლი, 6 საგოლე პასი და 3 მოპოვებული პენალტი აქვს აქტივში. „ნაპოლი“ მომდევნო მატჩს „რომას“ წინააღმდეგ ჩაატარებს.