„ჩელსის“ და კოტდივუარის ნაკრების ლეგენდარულმა ყოფილმა შემტევმა, დიდიე დროგბამ, ჟურნალისტებს თავისი აზრი გაუზიარა კილიან მბაპეს „პარი სენ-ჟერმენიდან“ შესაძლო წასვლის შესახებ.

„ვფიქრობ, მბაპე პატივისცემას ეძებს. არ დაგავიწყდეთ, რომ ჯერ კიდევ ძალიან ახალგაზრდაა და შეცდომებს დაუშვებს. ამიტომ გულმოწყალენი უნდა ვიყოთ მის მიმართ. ის საფრანგეთის ნაკრების ფეხბურთელია, რომელმაც თავის ქვეყანას მსოფლიო ჩემპიონის ტიტული მოუტანა. ამიტომ, უფრო მეტი მოთმინება გვმართებს.“ - ციტირებს დროგბას სიტყვებს Daily Post.

2018 წლის მსოფლიო ჩემპიონატზე, სადაც გამარჯვებული საფრანგეთის ნაკრები გახდა, მბაპემ შვიდ მატჩში ოთხი ბურთი გაიტანა.