იტალიელმა ჟურნალისტმა პეპე იანიჩელიმ ხვიჩა კვარაცხელიაზე ისაუბრა და თქვა, რომ საფეხბურთო მოწიფულობა აჩვენა. როგორც მან აღნიშნა, ხვიჩამ ყველანაირ მოლოდინს გადააჭარბა.

„ხვიჩა კვარაცხელიამ ყველა გააოცა და გასცდა ყველაზე ველურ მოლოდინსაც. ზაფხულში, თუ კარგად გახსოვთ, აბსურდული კრიტიკა იყო ტრანსფერების გამო, მაგრამ ვერავინ იწინასწარმეტყველა, რომ ქართველი ასე ითამაშებდა, რომელმაც აჩვენა საფეხბურთო სიმწიფე უფრო მეტად, ვიდრე ვიქტორ ოსიმენმა, რომელიც ძალიან ხშირად ხვდება თამაშგარე მდგომარეობაში. ოსიმენი სამი წელია „ნაპოლიშია“ და ვერ გაიზარდა“, - თქვა იანიჩელიმ.

შეგახსენებთ, ხვიჩა კვარაცხელიას ჩემპიონთა ლიგის მიმდინარე სეზონში ოთხ მატჩში 2 გოლი, 3 საგოლე პასი და ერთი მოპოვებული პენალტი აქვს მითვლილი, ხოლო სერია A-ს მონაგარსაც თუ დავუმატებთ, მთლიანად სეზონში ასეთი სტატისტიკა აქვს: 13 მატჩი, 7 გოლი, 5 საგოლე პასი და 3 მოპოვებული პენალტი.