რომის „ლაციოს“ თავდამსხმელი ჩირო იმობილე იტალიის სერია A-ს ყველა დროის საუკეთესო გოლეადორთა ათეულში შევიდა.

იტალიელმა ფორვარდმა ფლორენციის „ფიორენტინასთან“ მოგებულ შეხვედრაში (4:0) იტალიის ელიტარულ ლიგაში 188-ე გოლი გაიტანა, რისთვისაც 300 თამაშის ჩატარება დასჭირდა. 188 გოლით იმობილე ჯუზეპე სინიორის, ალესანდრო დელ პიეროსა და ალბერტო ჯილარდინოს გაუთანაბრდა. აღსანიშნავია, რომ ამ შედეგისთვის ჩიროს გაცილებით ნაკლები მატჩების ჩატარება დასჭირდა.

აღსანიშნავია, რომ შორს არც წინ მყოფი ფეხბურთელები არიან, რომელთაც კარიერა უკვე დიდი ხნის დასრულებული აქვთ და ალბათ, „ლაციოს“ ბომბარდირს რამდენიმე პოზიციით დაწინაურება არ გაუჭირდება.

32 წლის თავდამსხმელის 188 გოლი სერია A-ში შემდეგნაირად ნაწილდება: 5 გოლი „ჯენოაში“, 27 „ტორინოში“ და 156 – „ლაციოში“. მიმდინარე სეზონში იმობილეს აქტივში 6 გოლია და ბომბარდირთა დავას მარკო არნაუტოვიჩთან ერთად ლიდერობს.

სერია A-ს ყველა დროის ბომბარდითა ათეული ასეთია:

1. სილვიო პიოლა - 280 გოლი (537 მატჩში)

2. ფრანჩესკო ტოტი - 250 (619 მატჩში)

3. გუნარ ნორდალი - 224 (291 მატჩში)

4-5. ჯუზეპე მეაცა - 216 (367 მატჩში)

4-5. ჟოზე ალტაფინი - 216 (459 მატჩში)

6. ანტონიო დი ნატალე - 209 (445 მატჩში)

7. რობერტო ბაჯო - 205 (452 მატჩში)

8. კურტ ჰამრინი - 190 (400 მატჩში)

9-12. ჯუზეპე სინიორი - 188 (344 მატჩში)

9-12. ალესანდრო დელ პიერო - 188 (478 მატჩში)

9-12. ალბერტო ჯილარდინო - 188 (514 მატჩში)

9-12. ჩირო იმობილე - 188 (300 მატჩში)