საბერძნეთის სუპერლიგის მეშვიდე ტურში „პანეტოლიკოსის“ ქართველმა ფეხბურთელმა ლევან შენგელიამ გოლი გაიტანა.
„ვოლოსთან“ საშინაო მატჩში ლევანმა მეოთხე წუთზე დალაშქრა მეტოქის კარი, როდესაც დაახლოებით 30 მეტრიდან, ერთი შეხებით კარიდან გამოსულ მეკარეს აჯობა და ეფექტური გოლი გაიტანა. შენგელია მოედანზე 72-ე წუთამდე იყო. 26 წლის ქართველ ნახევარმცველს საბერძნეთის სუპერლიგის მიმდინარე სეზონში ჩატარებულ 7 მატჩში 2 გოლი აქვს გატანილი.
„ვოლოსთან“ შენგელიას გუნდი მე-16 წუთზე 2:0-ს იგებდა, მაგრამ 20 წუთში ტაბლოზე 2:2 ეწერა, ხოლო ტაიმის ბოლოს მასპინძლები კაცნაკლულები დარჩნენ, 78-ე წუთზე კი „ვოლოსმა“ მესამეც გაიტანა და საერთოდაც მოიგო - 2:3.
„პანეტოლიკოსს“ შვიდ ტურში 10 ქულა აქვს და სატურნირო ცხრილში მეექვსე ადგილზეა, მომდევნო შეხვედრას კი 16 ოქტომბერს, სტუმრად „ასტერასთან“ გამართავს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
საქართველოს ჩემპიონატში მის პოზიციაზე პირველი იყო. დრიბლინგიც აქვს, სისწრაფეც, ჟილკაც და ფიზიკური სიძლიერეც. ცხოველივითაა.
მარჯვენა მცველის პოზიციაზე, ცალსახად ორი ვარიანტი გვაქ და მეტი არც განიხილება მე მგონი, მჭედლიშვილი/კაკაბაძე.
ამ ბიჭზე მეორე ლიგაში რომ თამაშობდა მაშინ დაწერეს ნაკრებში გამოიძახონო, მაშინ დავწერე არასწორია ხორვატიის მეორე ლიგიდან ნაკრებში გამოძახება მაგრამ პირველი ლიგაც თუ გაქაჩა კი უნდა მივცეთ შანსი მეთქი, ხოდა მემგონი დროა რომ გამოვცადოთ ნაკრებში თუნდაც ამხანაგურში
რეალურად მარჯვენა მცველებიდან უკეთეს ჩემპიონატში და გუნდში მხოლოდ ოთარ კაკაბაძეა
ვაი რომ საგოლე პასი და ძირითადი, თითზე ჩამოსათვლელი და სანატრელი გაგვიხდა ქართველებს