„ნაპოლის“ მთავარმა მწვრთნელმა ლუჩანო სპალეტიმ „აიაქსთან“ მატჩამდე პრესკონფერენცია გამართა. როგორც მან თქვა, მისთვის ჩემპიონთა ლიგა შობის ღამეს ჰგავს და ეს განსაკუთრებულია.

„შრიოდერი შესანიშნავად მუშაობს, მათ მოსწონთ თამაშის კონტროლი, როგორც ჩვენ. საოცარი გამოწვევაა ბრწყინვალე სტადიონსა და ფანტასტიკური კლუბის წინააღმდეგ თამაში. მხოლოდ დიდებული მატჩების ჩატარებით შევძლებთ დიდები რომ გავხდეთ. შეიძლება შემადგენლობაში 2-3 ცვლილება იყოს, მაგრამ სახელებს არ დავასახელებ. ჩემს სტაფთან ერთად შევაფასებ სიტუაციას. ჩემთვის ჩემპიონთა ლიგის საღამო შობის საღამოს ჰგავს.

შრიოდერმა თქვა, რომ „ლივერპულზე“ ძლიერი ვართ? მგონი, ცოტა გადააჭარბა, მაგრამ ჩვენი სათამაშო დამოკიდებულება არ შეიცვლება. ეს ორი თამაში გადამწყვეტია? შეიძლება ასე იყოს, ეს დამოკიდებულია მატჩების შედეგებზე. თუმცა, „აიაქსის“ ახლგაზრდული და ძლიერი გუნდია, როგორც ჩვენ, მაგრამ მათ ჩემპიონთა ლიგაზე ჩვენზე ცოტა მეტი გამოცდილება აქვთ“, - თქვა სპალეტიმ.

შეგახსენებთ, რომ „აიაქსისა“ და „ნაპოლის“ მატჩი 4 ოქტომბერს, თბილისის დროით 23:00 საათზე გაიმართება.