იტალიელმა ჟურნალისტმა პაოლო ბარჯიჯამ განაცხადა, რომ ამ დროისთვის ხვიჩა კვარაცხელიასა და „მილანის“ ფეხბურთელ შარლ დე კეტელაერეს შედარება არ შეიძლება.
იტალიურ მედიაში ამ ფეხბურთელებს მართლაც ხშირად ადარებენ, რადგან ორივე ახალწვეულია და ორივეზე დიდი ავანსია გაცემული. თუმცა, ბარჯიჯა ფიქრობს, რომ ქართველის დასაწყისი გაცილებით მაგარია, ვიდრე ბელგიელი გამთამაშებლის.
„კვარაცხელიას და დე კეტელაერეს შედარება სამარცხვინოა. ქართველი ბევრად უკეთ თამაშობს. კვარაცხელიაში „ნაპოლიმ“ მხოლოდ 10 მილიონი გადაიხადა, ხოლო „მილანმა“ დე კეტელაერეში ბონუსების ჩათვლით 35 მილიონი. ორივე ახალგაზრდაა, ერთი და იმავე ასაკის, მაგრამ „ნაპოლის“ ფეხბურთელის ეფექტი მილანისტასგან განსხვავებით დამანგრეველი იყო“, - თქვა ბარჯიჯამ.
