„მანჩესტერის“ ყოფილმა მწვრთნელმა, ლეგენდარულმა სერ ალექს ფერგიუსონმა ლუის ვან გაალი შეაქო.

„ვან გაალმა გუნდში ბევრი ცვლილება განახორციელა. იგი სწორ გადაწყვეტილებებს იღებს. ჰოლანდიელმა გუნდის მშენებლობა სუფთა ფურცლიდან დაიწყო, მას აქვს უზარმაზარი გამოცდილება, რომ საქმე კარგად გააკეთოს“ - ფერგიუსონის სიტყვებს The Telegraph ციტირებს.

ჰოლანდიელი ამ ზაფხულს დაინიშნა გუნდის მთავარ მწვრთნელად. „მანჩესტერი“ მიმდინარე პრემიერ ლიგის გათამაშებაში 11 ქულით მე-4 ადგილზე იმყოფება.