სარეკლამო ადგილი - 1
970 x 60
ფეხბურთი

21:31 | 26.09.2022 | ნანახია [] - ჯერ

საქართველოს ნაკრების ძირითადი შემადგენლობა გიბრალტართან ცნობილია

საქართველოს ეროვნული ნაკრები დღეს ერთა ლიგის მეექვსე ტურის შეხვედრაში სტუმრად გიბრალტარის ნაკრებს შეხვდება. ვილი სანიოლის გუნდის ძირითადი შემადგენლობა უკვე ცნობილია.

ფრანგმა სპეციალისტმა ჩრდილოეთ მაკედონიასთან ბოლო თამაშთან შედარებით სასტარტო 11-ეულში ოთხი ცვლილება განახორციელა. ამრიგად, საქართველო დღეს ასეთი შემადგენლობით ითამაშებს:

საქართველო (3-4-3): ლორია; კაკაბაძე, კაშია, ხოჭოლავა; წიტაიშვილი, კვეკვესკირი, მექვაბიშვილი, აზაროვი; ლობჟანიძე, ზივზივაძე, კვარაცხელია

გიბრალტარი (4-3-3): ბანდა; ლოპესი, ოლივერო, ჩიპოლინა, ანესლი; ტორილია, უაისმანი, რონანი; უოკერი, ბრიტო, კაშიარო

შეგახსენებთ, საქართველოს ნაკრებს ხუთ ტურში 13 ქულა აქვს მოპოვებული და ჯგუფში პირველი ადგილი უკვე გაიფორმა, თუმცა დღევანდელი თამაში მაინც მნიშვნელოვანია, რათა მთლიანად C დივიზიონში საუკეთესო შედეგი დააფიქსიროს. მატჩი თბილისის დროით 22:45 საათზე დაიწყება.

0.112617