ფეხბურთი

2:40 | 26.09.2022 | ნანახია [] - ჯერ

ხორვატია და ნიდერლანდები ერთა ლიგის "ოთხთა ფინალში" გავიდნენ

ერთა ლიგის A დივიზიონის ორ ჯგუფში ასპარეზობა დასრულდა და შესაბამისად, ოთხთა ფინალის ორი მონაწილე გაირკვა.

პირველ ჯგუფში ხორვატიის ნაკრებმა შანსი გამოიყენა, ავსტრია ვენაში, ბოლოსკენ გატეხა, 3:1 მოიგო და ჯგუფი პირველ ადგილზე დაასრულა. ზლატკო დალიჩის გუნდმა 13 ქულით პირველი ადგილი დაიკავა და აჯობა დანიის ნაკრებს, რომელმაც მსოფლიოს ჩემპიონ და ერთა ლიგის ჯერ კიდევ მოქმედ გამარჯვებულ საფრანგეთს 2:0 მოუგო, მაგრამ ჯგუფში მეორე ადგილს დასჯერდა.

საფრანგეთმა ეს ერთა ლიგა საშინლად ჩაატარა - 1 მოგება, 2 ფრე, 3 წაგება და 5 ქულით ჯგუფში მესამე ადგილი დაიკავა. ფრანგები B დივიზიონში გავარდნას ბეწვზე გადაურჩნენ და ეს იმის დამსახურებაა, რომ წინა ტურში ავსტრიას მოუგეს, რომელსაც ერთი ქულით აჯობეს.

მეოთხე ჯგუფში ნიდერლანდებმა იპირველა, თან ძალიან ადვილად. ლუის ვან გაალის გუნდმა ბელგია 1:0 დაამარცხა და მეზობელს 6 ქულით გაუსწრო. ამ ჯგუფში ბოლო ადგილი უელსმა დაიკავა 1 ქულით, რომელიც შინ პოლონეთთან დამარცხდა.

ამრიგად, ხორვატია და ნიდერლანდები ოთხთა ფინალში არიან. გასარკვევი კიდევ ორი მონაწილეა და ბოლო ტურში ურთიერთმატჩშებში გაირკვევა: უნგრეთი ან იტალია (უნგრელებს ფრეც აწყობთ, იტალიელებს მხოლოდ მოგება) და ესპანეთი ან პორტუგალია (ესპანელებს მოგება უნდათ, პორტუგალიელებს ქულაც ეყოფათ).

B დივიზიონში, სადაც მომდევნო სეზონში საქართველო ითამაშებს, უელსი და ავსტრია გავარდნენ.

ავსტრია - ხორვატია 1:3 (1:1)

გოლები: 0:1 მოდრიჩი (6), 1:1 ბაუმგარტნერი (9), 1:2 ლივაია (69), 1:3 ლოვრენი (72)

დანია - საფრანგეთი 2:0 (2:0)

გოლები: 1:0 დოლბერგი (34), 2:0 ოლსენი (39)

1. ხორვატია 6 4 1 1 8 6 2 13
2. დანია 6 4 0 2 9 5 4 12
3. საფრანგეთი 6 1 2 3 5 7 -2 5
4. ავსტრია 6 1 1 4 6 10 -4 4

ნიდერლანდები - ბელგია 1:0 (0:0)

გოლი: 1:0 ვან დაიკი (73)

უელსი - პოლონეთი 0:1 (0:0)

გოლი: 0:1 სვიდერსკი (58)

1. ნიდერლანდები 6 5 1 0 14 6 8 16
2. ბელგია 6 3 1 2 11 8 3 10
3. პოლონეთი 6 2 1 3 6 12 -6 7
4. უელსი 6 0 1 5 6 11 -5 1
თეგებიერთა ლიგა
0.139301