„ბაიერნის“ ფეხბურთელებს ნაგელსმანის მეთოდები არ მოსწონთ

მათ შეამჩნიეს, რომ შეცვლებისას ნაგელსმანი აქცენტს ასაკიან მოთამაშეებზე აკეთებს, მიუხედავად იმისა, ფორმაში არიან თუ არა ისინი, ახალგაზრდები კი იჩაგრებიან.

მაგალითად, ბუნდესლიგის მე-7 ტურის „აუგსბურგთან“ მატჩში (0:1) შეცვლაზე არცთუ კარგ მდგომარეობაში მყოფი ერიკ-მაქსიმ შუპო-მოტინგი შევიდა, მატის ტელი კი სკამზე დარჩა.

კიდევ ერთი მაგალითი ნიდერლანდელი ახალწვეული რაიან გრავენბერხია. 20 წლის ექს-აიაქსელმა სეზონის წინ ძალიან კარგი შთაბეჭდილება დატოვა ამხანაგურ შეხვედრებში. ოფიციალურ სეზონში კი მხოლოდ ერთხელ ითამაშა, ისიც გერმანიის თასის 1/16 ფინალში.

სოლომონ გულისაშვილი

თეგებიმიუნხენის ბაიერნი იულიან ნაგელსმანი