პორტუგალიის ნაკრებმა ახალი სათამაშო ფორმა წარადგინა, რომლითაც ყატარის წლევანდელ მსოფლიო ჩემპიონატზე ითამაშებს.
ფერები ტრადიციული მუქი წითელ-მწვანე გახლავთ და ის ქვეყნის დროშის ფერების იდენტურია. დროშა კი მთელ პორტუგალიას წარმოადგენს - წერს ქვეყნის ფეხბურთის ფედერაციის ოფიციალური ვებ-გვერდი.
გასვლითი ფორმა კი თეთრია და ასევე პორტუგალიის დროშის ფერებში გადაწყვეტილი ჰორიზონტალური ზოლი გასდევს.
შეგახსენებთ, რომ მუნდიალის ჯგუფურ ეტაპზე პორტუგალიელთა მეტოქეები განის, ურუგვაისა და სამხრეთ კორეის ეროვნული გუნდები იქნებიან.
