ვეტერანმა იტალიელმა ფეხბურთელმა ანტონიო ფლორო ფლორესმა, რომელიც „უდინეზესა“ და „ჯენოაში“ თამაშობდა, ხვიჩა კვარაცხელიაზე ისაუბრა და ის ეზეკიელ ლავეცის შეადარა.

„როგორც ახალგაზრდა მწვრთნელს, ამ „ნაპოლისგან“ ბევრი რამის სწავლა შემიძლია. ალექსანდერ-არნოლდს კვარაცხელიასთან ძალიან გაჭირდა, მან მსოფლიოს ერთ-ერთ საუკეთესო მარჯვენა მცველს არაფრის შანსი არ მისცა. მგონია, რომ ქართველი ლავეცის ჰგავს, მას არაფრის ეშინია, ბრწყინვალე შენაძენია“, - თქვა ფლორო ფლორესმა.

შეგახსენებთ, „ნაპოლიმ“ ჩემპიონთა ლიგის პირველ ტურში „ლივერპული“ 4:1 დაამარცხა, ხვიჩა კვარაცხელიამ კი გარდა იმისა, რომ საგოლე პასი გააკეთა, შესანიშნავად ითამაშა.