ფეხბურთი

18:45 | 28.08.2022 | ნანახია [] - ჯერ

"სელტიკმა" 9:0 მოიგო და რეკორდიც დაამყარა

„ლივერპულს“ გლაზგოს „სელტიკი“ არ ჩამორჩა და შოტლანდიის პრემიერშიფის მეხუთე ტურში ასევე 9:0 მოიგო.

თუმცა, „ლივერპულმა“ „ბორნმუთი“ თუ საკუთარ მოედანზე დაამარცხა, გლაზგოელებმა „დანდი იუნაიტედს“ გასვლაზე აჯობეს და რეკორდიც დაამყარეს.

როგორც გაირკვა, მას შემდეგ, რაც შოტლანდიის ჩემპიონატს პრემიერშიფი ეწოდა (1998 წელს), ეს არის ყველაზე დიდი ანგარიშით მოგებული თამაში სტუმრად. „სელტიკმა“ თავისივე რეკორდი გააუმჯობესა, რომელიც 2006 წელს ჰქონდა დამყარებული - მაშინ "დამფერლაინს" მისსავე მოედანზე 8:1 სძლია.

„სელტიკი“ 15 ქულით ლიდერია და ორი ქულით უსწრებს „რეინჯერსს“, რომელსაც მომდევნო ტურში, 3 სექტემბერს შეხვდება, ხოლო „დანდი იუნაიტედი“ 1 ქულით ბოლო ადგილზეა. სხვათა შორის, ამ გუნდმა რამდენიმე დღის წინ კონფერენს ლიგაზეც უჩვეულო ანგარიშით წააგო „ალკმაარის“ წინააღმდეგ - 0:7.

თეგებისელტიკი
0.114395