შვედეთის ნაკრებისა და „სოსიედადის“ თავდამსხმელი ალეკსანდერ ისაკი კარიერას „ნიუკასლ იუნაიტედში“ გააგრძელებს.

მხარეებმა შეთანხმებას მიაღწიეს და ტრანსფერი ოფიციალურად უნდა დადასტურდეს. „ნიუკასლი“ ბასკურ კლუბს 22 წლის შვედში 70 მილიონ ევროს გადაუხდის.

ისაკი „სოსიედადში“ 2019 წლიდან თამაშობს და 132 მატჩში 44 გოლი გაიტანა. მანამდე ის „აიკის“, „დორტმუნდისა“ და „ვილემ II“-ის წევრი იყო, ხოლო შვედეთის ნაკრებში 37 თამაშში 9 გოლი აქვს გატანილი.