ფეხბურთი

16:14 | 24.08.2022 | ნანახია [] - ჯერ

კომპანი: "მიქაუტაძე ჩვენი ფინანსური დიაპაზონის მიღმაა"

საქართველოს ნაკრებისა და ფრანგული „მეცის“ თავდამსხმელი გიორგი მიქაუტაძე დიდი ალბათობით მიმდინარე სეზონს ლიგა 2-ში გაატარებს.

21 წლის ფორვარდით სერიოზულ ინტერესს ინგლისური „ბარნლი“ იჩენდა, მაგრამ როგორც ჩანს, კლუბებმა ფასზე შეთანხმებას ვერ მიაღწიეს. როგორც „ბარნლის“ მთავარმა მწვრთნელმა ვენსან კომპანიმ თქვა, მიქაუტაძის ფასი კლუბის ბიუჯეტს მიღმაა.

„რთულია. არსებობენ მოთამაშეები, რომლებიც ფინანსურად ჩვენს დიაპაზონს სცილდებიან. ჩვენთვის ეს არის ფეხბურთელი, რომელიც ჩვენი დიაპაზონის მიღმაა“, - უთხრა ინგლისურ მედიას ბელგიელმა მწვრთნელმა.

ბრიტანული მედია წერს, რომ „ბარნლი“ მზადაა მიქაუტაძეში 2.5 მილიონი ევრო გაიღოს, ხოლო „მეცი“ დაახლოებით 5 მილიონს ითხოვს. გიორგის „მეცთან“ კონტრაქტი 2025 წლამდე აკავშირებს და მიმდინარე სეზონის ოთხ მატჩში 2 გოლით და 3 საგოლე პასით გამოირჩა. ის „ბარნლის“ გარდა, „ლეჩეს“, „ტორინოსა“ და „გალათასარაის“ დაუკავშირეს.

სარეკლამო ადგილი - 23
250 x 500
0.111011